North Slope Boroughimi nuna sajorujussuartoq

Alaskami Beaufortip imartaani nunaqarfimmi Kaktovimmi (kal. Qaattorfik) Inuppiaat sapaammi ullaakkut nunap sakkortuumik sajunnera malugaat, sajunneq uuttortaanermi 6,4-mik sakkortutigisimavoq.

Alaskami nunap sajuttarnera pillugu ilisimasalik, Mike West Alaska Newsimut oqarpoq, North Slope Boroughimi sapaammi nunap sajunnera uuttortaanermi aatsaat taama sakkortutigisimasoq.

ICC North Slope Boroughimi sapaatip akunneri pingasut matuma siorna ataatsimeersuartitsivoq.

Nunap sajunnera Kaktoviup kujataata-kitaani 80 kilomiiterinik ungasitsigisumiippoq.

Innuttaasut ilaat, George Kaleak, Alaska Newsimut oqarpoq, ullaakkut nalunaaqutaq arfineq marluk missaani nunap sajunnerata nalaani itertinneqarsimallutik illullu sajussimasut.

Ajoqusertoqarsimanngitsorli nalunaarutigineqarpoq.