Norskit uuliasiornermit aningaasaateqarfiat annaasaqarujussuarpoq

Norskit uuliasiornermit aningaasaateqarfiat 528 milliardi koruuninik siorna annaasaqarpoq, aningaasat danskit koruuninngorlugit taakkualu norgemiumut ataatsimut 100,000 koruuninik naleqartut danskit aviisiat Berlingske Tidendende taamatut allaaserinnippoq.
Allattoq Lotte Holm
marsip 12-at 2009 08:30

Aningaasaateqarfiup aningaasataasa sisamararterutaat annaaneqarput, tamatumunngalu pissutaavoq nunarsuarmi aningaasarsiornikkut ajornartorsiorneq.

Aningaasaateqarfik atsaat taamak annertutigisumik annaasaqarpoq, tamannalu norskit naalagaaffiata ukiumi 2010-imi aningaasaqarneranut ajornartorsiortitsissaaq. Taamaakkaluartoq Norge-mi aningaasaqarfik Norges Banks Investment Management isumalluarpoq.

Aningaasatigut isertitat annikinneruneratigut ilikkagaqarpugut, periutsinillu allanngortitsinissaq pisariaqartissimallutigu. Yngve Slyngstad aningaaserivimmi Norges Bank Investment Management-mi pisortaq oqarpoq.

Uuliasiornermit aningaasaqarfiup norgep aningaasaqarnera ukiuni arlalinni qulakkeeqqavaa.