- Sandheden er, at jeg ikke har undersøgt reglerne godt nok og dermed ikke opdaget, at når en familie går ud sammen og er mere end ti, så svarer det til et arrangement, sagde den norske statsminister Erna Solberg.Assi: Berit Roald/NTB/Ritzau Scanpix

Norskit ministeriunerat akiliisussanngortitaasoq

Norskit ministeriunerat corona pillugu malittarisassanik 60-iliinermini unioqqutitsisimanerminut akiliisussanngortitaavoq.

Norskit ministeriunerat, Erna Solberg, corona pillugu malittarisassanik unioqqutitsisimanerminut norskit aningaasaannik 20.000 koruuninik, danskit aningaasaannik 14.670 koruuninik, akiliisussanngortitaavoq.

Norskit politiiivi tusagassiortunik tallimanngornermi katersortitsinerminni taama nalunaarput.

Norskit ministeriunerat corona pillugu killilersuinernik ilaquttaminit 60-iliinermini sisorarfimmi Geilomi nalliuttorsiutigineqarnermini unioqqutitsivoq.

- Inatsisit tamanut atuukkaluartut kikkut tamarmik assigiimmik pineqanngillat, norskit politiivisa pisortaat Ole B. Sæverud tusagassiortunik tallimanngornermi katersortitsinermi oqarpoq.

AAMMA ATUARUK Norskit AstraZenecap akiuussutissaliaanik atuiunnaarallarnertik sivitsoraat

Ilaqutariit februarip ulluisa 26-ani neriniartarfimmukarsimapput isumaqaramik tassani nalliuttorsiorunik tunillatsinnissaq pinngitsoortinneqarsinnaassasoq, ministeriunerup oqaluttuaraa.

Nereqatigiinnermi ministeriuneq Solberg peqataanngilaq, taassumali ilaqutai allat qulinit amerlanerusut nereqatigiillutik.

Solberg ilaquttani ilagalugit Geilomi inissiami attartukkaminni aqaguani nereqatigiipput, tassani sushituupput inuillu 14-it peqataallutik.

Ilaquttanilu killilersuinernik unioqqutsisimanertik pillugu siusinnerusukkut, Solberg, utoqqatserpoq.

- Norgemi innuttaasut tuniluunnerup qanoq pinngitsoortinneqarsinnaanera pillugu ullut tamaasa oqaluttuuttarpakka, taamaattumik malittarisassat nalunnginnerusussaagaluarpakka. 

- Pivusoq tassaavoq malittarisassat sukumiinerusumik misissorsimannginnakkit, taamaattumillu ilaqutariit qulinik amerlanerugaangamik aaqqissussinertut naatsorsuutigineqartartoq paasinngitsoorlugu, Solbert norgemiut nutaarsiassaqartitsiviannut NRK-mut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat