Nunat Avannaamioqatigiit nipilersortartunut nersornaasiuttagaat ippassaq tunniunneqarpoq, kalaallinilu innersuunneqarsimasoq Mads Lumholt ajugaanngitsoorpoq.
Mads Lumholt-ip nipilersuusiaa ”Shaman” nersornaasiinissamut innersuussutigineqarneranut pissutaavoq, taannalu 2002-mi Arctic Winter Games-i ammaanersiorneqarmat takutinneqaqqaarpoq.
Nunat Avannaamioqatigiit nipilersortartunut nersornaasiuttagaanni ajugaasuuvoq norskeq Natasha Barrett.
Natasha Barrett-ip ajugaanerminut aningaasat 350.000 koruunit pissarsiarissavai, nersornaammillu tunniussineq pissaaq Københavnimi Novembarip aallaqqaataani.