Norgimi illoqarfik siallerluni rekordiliisoq
Norgimi illoqarfik Bergen sapaatiummat nuanninngitsumik rekordiliivoq, allaat illoqarfimmi innuttaasut tamanna misigeqqikkusunnagu.
![](/sites/default/files/styles/image_934x467/public/article_images/regnvejr.jpg?itok=Qn0kxpeF)
Allattoq Kenneth Elkjær
Nutserisoq Connie Fontain
Juunip qaammataa Norgemi tassaasariaqaraluarpoq aasarisseruttornerani seqinnarik. Tamannali illoqarfimmi Bergenimi aasap qaammataani siullermi misigineqarsimanngilaq.
Siallerfiusuni sapaat tassaasimavoq ulluni tulleriiginnarni siallerluni ullut 26-ssaat. Taamaalilluni illoqarfiup taassuma 1952-imi nammineq rekordini qaangersimavaa. Taamani juunip aallaqqaataanit 24-ata tungaanut ullut tamaasa siallersimasoq NRK.no taama allappoq.
Juunilli qaammataani ulluni siallerfiusuni taanna ajornerpaanngilaq. 1994-imimi ullunit 30-usunit ulluni 29-ni siallersimavoq, kipiffeqanngittumimmi siallersimanngimmat taanna rekordiliinerusimanngilaq.