Norgemiut Issittup imartaani aalisakkat misissuiffigileraat

Issittup imartaani aalisakkat assigiinngitsut 229-usut, ilisimatuut Norgemeersut, Danmarkimeersut, Amerikameersut Ruslandimeersullu suleqatigiinnerisigut paasineqarpoq. Ilisimatuut aalisakkat issittumiittut pillugit paasissutissamik atlasiliorput, issittumi aalisakkanik ilisimatusartussat oqilisaakkumallugit.

Aalisakkat ilisimaneqarneri maannakkumut killeqarput ilisimatuulli misissiunerisa tamanna allanngortinniarpaat.

Taamaaliornikkut aalisakkat periusaat ajornannginnerusumik misissorneqarsinnaalissapput:

- Aalisakkat assigiinngitsut aallaavii ilisimanngikkutsigit sumiissusaat annertunerusumik oqaluttuarisinnaanngilarput, ilisimatooq Arve Lynghammar Norges Arktiske Institutimeersoq NRK-imut oqarpoq.

Norgep nunanut allanut tunngasunut ministereqarfiata suliniut aningaasaliffigaa, Havforskningsinstitutillu misissuineq siulersorlugu.