Norsaq Københavnimut uterpoq

Air Greenlandip timmisartorsua Norsaq Københavnimiit qutsissusissaminut ullaarmanna qullarsaleruttortoq, qulleeqqat takutippaat anartarfiit ilaanni pujoqartoq.

Isumannaatsuunissamut maleruagassat naapertorlugit timmisartup naalagaata Københavnimut uternissani aalajangiuppaa, timmisartorsuarlu ajornartorsiutitaqanngitsumik uterluni mippoq.

Naak ilaasut ilaat putsumik naamasinnaagaluartut, ikuallattoqarsimanngitsoq paasineqarpoq. Timmisartorsuaq uterluni nunnereersorlu timmisartup naalagaanit ilisimatinneqarput. Ilaasut ataasiakkaat pisumit ima sunnerneqartigipput allaat tarnit nakorsaanik oqaloqateqartariaqarlutik, taama Radioaviisimut oqarpoq Air Greenlandimeersoq Kirsten Anika Henriksen.

Air Greenlandip taarsiullugu timmisartorsuaq Kunuunnguaq ullaap tungaa 180-inik ilaasulik aqqanernut Københavnimit aallartippaa. Naatsorsuutigineqarpoq Kunuunnguaq ualimut pingasut eqqaanni Kangerlussuarmut nunnissasoq.

Taamaattumik timmisartornissat ullumikkut kinguaattoorfiunissaat Air Greenlandimit ilimageqquneqarpoq, tamakkualu nittartakkami tekst-tv-milu takuneqarsinnaapput.