Norsaanani Kunuunnguussaaq
Ullumikkut atlantiku qulaallugu Københavnimut timmisartorniaruit timmisartorsuaq Air Greenlandip timmisartuutaa Kunuunnguaq ilaaffigissavat.
Timmisartorsuaq Norsaq – ippassaq Pituffimmut missinnaasimanngilaq Kangerlussualiaannartariaqarsimallunilu taamaalilluni Pituffiliaraluit Kangerlussuarmi unnuiinnartariaqarsimallutik.
Norsaq ullumikkut Pituffiliaraluaqqissaaq, taavanngaanniillu Københavnimut ingerlaqqissalluni. Taamaalilluni atlantiku qulaallugu timmisartuussisartoq Norsaq Københavnimiit nunatsinnut uterlugulu timmisartuussisussaagaluarluni Kunuunnguamit taarserneqassaaq.
Taamatut timmisartut taarsernerannut ajoqutituaq unaassaaq timmisartumik assartugassat nassiussat Kunuunnguamut ilaatinneqarsinnaanngimmata.
Air Greenlandillu aqagu decembarip aallaqqaataani tamakku tamaasa aaqqinniarumaarai oqaatigineqarpoq.
