Norgimiut ministeriat nukingilerpoq
Norgemiut nunanut allanut ministeriata Jonas Gahr Sørep silaannaap allanngoriartupallannera tupaallaatigalugu nukingilersimavoq.
- Kalaallit Nunaanni Sikuiuitsumilu Kujallermi sermip aakkiartupallannersua ministeriulillaramali amiilaammisaarutigilerpara.
Sermip aakkiartupallannera eqqartorlugu Norgemi illoqarfimmi Tromsømi ataatsimeersuartoqarpoq. Peqataavorlu USAp præsidentitut tullersortigisimasaa Al Gore, nersornaammik Nobel-ip pilersitaanik akissarsisitaasimasoq, silaannaallu allanngoriartornerata sillimaffiginissaanut kajumissaariuartoq.
- Sermip sikullu aakkiartorneri pillugit suligasuartussanik pilersitsivugut, nunarsuatsinnilu silaannarmik immikkut ilisimasallit suleqatiserivavut.
Al Gore uangalu decemberimi Københavnimi silaannaap allanngoriartornera pillugu ataatsimeersuartoqalerpat paasisavut saqqummiutissavavut, Norgep nunanut allanut ministeria Jonas Gahr Støre naggasiivoq.