Nuna pingasunngormalli sisoortalerpoq, nunarujussuarli ippassaq unnukkut qulingiluanut sisoorpoq. Siallingaatsiarsimanera nunap sisoornerneranut pissutaasorineqarpoq.Assi: Scanpix

Norgep qaqqaani nuna sisoortoq

Norgemi Romsdalimi qaqqap ilaani Veslemannenimi nunarujussuarmik arlaleriarluni ippassaq sisoortoqarpoq. DR naapertorlugu Norgemi imermut nukissiuuteqarnermullu pisortaqarfik NVE nrk.no-mut taama ilisimatitsivoq.

Qaqqaq sisoorfiusinnaasutut ukiuni arlalinni aarlinaateqarpoq, qaqqallu 2009-mit nakkutigineqalerluni.

NVE naapertorlugu Veslermannip ilaa, Spiretimik taaneqartartoq, Veslermannimik sisoorfiusartumik uninngatitseqataasuuvoq.

Nunamik 2014-imiilli aatsaat taama angitigusik sisoortoqartoq, NVE-mi ujarassiooq Einar Anda tusagassiuutimut VG-mut oqarpoq.

Nuna pingasunngormalli sisoortalerpoq, nunarujussuarli ippassaq unnukkut qulingiluanut sisoorpoq. Siallingaatsiarsimanera nunap sisoornerneranut pissutaasorineqarpoq.

NVE-mi immikkoortortaami pisortaq Kars Harald Blikra naapertorlugu qaqqap ilaata qutsissortaa akunnerit 24-t ingerlanerini 1 meteri sinnerlugu nikeriarpoq.

Nunat sisoorneri katillugit 39-t piffissami tassani nalunaarsorneqarput.

Taamaattoqarneralu Nasjonalt Seismisk Nettverkimut allaat Bergenimi Trondheimimilu sajunnernik nalunaarsuisimasumut ulapitsitsivoq.

Horgheimip eqqaani nunap sisoornissaanik aarlerissuteqarneq pissutigalugu arfinileriarluni 2018-imi qimagussuisoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat