Norgemi politiit Kongsbergimi toqutsinerit pillugit tusagassiortunik arfininngormat katersortitsipput.Assi: Ntb/Reuters/Ritzau Scanpix

Norgep politiivi: 37-nik ukiulik killisiorneqarnissaminut saperpoq

Kongsbergimi saassussisutut pasisaq tarnimikkut napparsimasorujussuugungartoq misissuinerup ersersippaa.

Angut 37-nik ukiulik Norgemi illoqarfimmi Kongsbergimi inunnik tallimanik toqutsisimasutut pasisaq maannakkoqqissaaq killisiorneqarsinnaanngilaq.

Tigusaritereernermini ajornerulersimavoq, matoqqasumillu isertitsivimmiitinneqarluni.

Norgep politiivi tusagassiortunik arfininngormat katerserortitsinerminni taama oqarput.

Pasineqartoq maannamut pingasoriarluni killisiorneqareerpoq.

Pinerlussorisimaneqartup politiinut, peqqinnissaqarfimmut tarnikkullu nappaateqartunut sullissisunut siousinnerusukkut atassuteqarsimanera politiit maanna misissorpaat.

AAMMA ATUARUK Norge: Kongsberg-imi pasisaq sapaatip akunnerini sisamani tigummigallagaassaaq

Politiit toqutaasut tallimat aqqi tusagassiortunik ullumi arfininngornermi katersortitsinermi saqqummiuppaat. Ilaqutaasut tamarmik maanna paasitinneqareersut politiinspektøri oqarpoq.

Arnat sisamat 52-inik, 56-inik, 75-inik 78-inillu ukiullit angullu 75-inik ukiulik toqutaasimapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat