Norgemiut ilaqutaasa ujaasineq unitsippaat
Sisamanngormat ualikkut norgemiut Kangerlussuarmi nammineq piumassutsiminnik ujaasisut tusagassiuutinut nalunaarutigaat ujaasinertik unitsillugu Norgemullu utiinnalerlutik, taama nrk.no allappoq.
- Kalaallit Nunaanni politiit ujaasilluarsimapput. Peqataatitagut nukkiorput qasoqqalerlutillu. Uagut tungitsinnit ujaaseqqinnissaq ajornakusoorpoq, ilaatigut ulorianarsinnaammat, ilaqutaasut ujaasiartortut ilaatigut taama allapput.
Norgemiut ilaqutaasut ikinngutaasullu ujaasiartortut, ualimut Arnangarnup Qooruanut nunakkut ujaasiartoqqikkaluarput, tiimialunnguilli qaangiuttut tusagassiuutinut nalunaarut nassiunneqarpoq.
- Maannakkut asasagut ilagalugit annaasaqarnitta maqaasinittalu suliarinissaa salliutilerparput, maani Kalaallit Nunaanni ujaasinermit, Kangerlussuarmut ujaasiartortut taama allapput.
Ilaqutaasut Kangerlussuarmiit Norgemut uterlutik unnugu aallassapput.
