Norgemiut aalisapiluttut

Avatangiisinik pinngortitamillu illersuilluartutut Norge imminut nersortuartuuvoq, maannali paasinarsivoq, taamaappallaanngitsoq, tassa tamaani aalisapiluttoqartoq paasineqarsimammat.

Avatangiisit illersorneqarnissaat pillugit illersuisup, WWF-p, misissuisitsinerata paasinarsisippaa, aalisakkanik økologi sianigalugu pilersitanik pingasoriaammik amerlanernik Norge atuinerusoq.

Nunarsuup sinnerani Norgetulli atuisoqartuuppat, nunarsuatsinni inuit planetini pingasuni najugaqartussaassagaluarput, maannatut ataasiinnaangitsumi.

Aviisimi Oslomi ullormut saqqummersartumi, Dagsavisenimi allassimapput, kuldioxidimik aalisakkanillu Norgemi atuisoqarnerujussua WWF-p malugisimagaa.

- Norgep atuivallaartut allattorsimaffianni siuarnera tupaallaatissaanngilaq, WWF-mi sulisoq, Tor Traasdahl, aviisimut oqarpoq, aamma oqarluni, Norgep atuivallaarnera ukiuni kingullerni kingullerni marlunni annertuseriarsimasoq.

Aalisakkanit isumalluutinik atuinerujussuaq Norgep aalisakkanik tukertitsiveqarneranit pissuteqarpoq, tukertitsivimmi tassani aalisakkat 500.000 tonsit tukertinneqartarput. Aalisagaaqqanik taakkunannga aalisapilunneq, WWF naapertorlugu, immamut sunniuteqapilussinnaavoq.