Norgemiuaqqat Saamisut oqalussinnaasariaqartut
Norgemi meeqqat tamarmik Samitut oqaatsinik ilisimasaqalernissaat, Norgemi ilinniartitaanermut pilersaarummi nutaami piumasaqaataalissaaq, Norgemi aviisi saqqummersartoq VG allaaserisaqarpoq. Pilersaarut malillugu atuartut tamarmik 7. klassimi Saamit oqaasiinik ilinniartinneqartalissapput, tamannalu sametingimit ilassilluarneqarpoq.
Saamilli oqaasiinik ilisimatuut pilersaarummut ernumapput. Taakku isumaqarput, Norskit meerartaasa pinngitsaalineqarlutik Saamit oqaasiinik ilinniartinneqartalissappata akerlianik sunniuteqarsinnaasoq, tassa saamit oqaasii suusupagineqalerlutik. Tamannalu Saamit Norskillu akornanni avissaarutaalernissaa, oqaatsinik ilisimatuut ernummatigaat.
Ilinniartitaanermut pilersaarummi siunertarineqarpoq, Saamit oqaasiisa naqinneri ilinniartitsissutigineqarnissaat.
Sametingimi siulittaasup Aili Keskitalo-p oqaatsinik ilisimatuut ernumanerat paasisinnaanngilaa.
- Atuartut naqinnernik ilinniartinneqarnissartik ajoqutiginavianngilaat, akerlianilli soqutiginnilersissinnaavait, avisimut VG-mut Aili Keskitalo oqarpoq.
