Toqutsisimasutut peqqarniisaarniarsimasutullu pasisaq Oslomi eqqartuussivimmut iserami nazistitut ilassivoq.Assi: Scanpix

Norgemiu peqqarnissaarsimasutut unnerluutigineqartoq: Taamaaliortariaqarsimavunga.

Philip Manshausip qatanngutissaminik niviarsiaqqamik toqutsisimanini muslimillu qinusarfianni saassussisimanini nassuerutigereerpaa.

Toqutsisimasutut peqqarniisaarniarsimasutullu pasisaq Philip Manshaus Oslomi eqqartuussivimmut iserami nazistitut ilassivoq.

Qaammat ataasingajak tigummigallagaalernerminut iliuuserisimasani allatut ajornartumik iliuuserisariaqarsimallugit norgemiup 22-nik ukiullip illersuisugisamisigut oqaatigaa.

Phillip Manshaus qatanngutisiaminik niviarsiaqqamik 17-inik ukiulimmik aggustip ulluisa qulinganni toqutsisimasutut muslimillu Bærumimi illoqarfiit pingaarnersaat Oslop eqqaaniittumi qinusarfiannut al-Noor Islamic Centerimut peqqarniisaarniarnissamik pilersaarusiorsimasutut unnerluutigineqarpoq.

Norskit nutaarsiassaqartitsiviat NTB naapertorlugu Manshaus aggustip ulluisa aqqaneq-aappaanni eqqartuussivimmiinneranut sanilliullugu ataasinngornermi ilumoorsaarpasinneruvoq.

Manshausip pisuulluni nassuerutigereerpaa, pillarneqartariaqarnanili isumaqarluni. Iperagaanissani eqqartuussivimmi ataasinngornermi piumasaraa.

- Nammineq isumaqarpoq, taamaaliortariaqarsimalluni, taamaaliornissanilu pisussaaffigalugu.

- Allatut ajornartumik illersuinertupajaaq isigaa. Tusagassiuutit najuutilerpata nassuiaaneruniarluni oqareerpoq, Manshausip illersuisua Unni Fries oqarpoq.

Manshaus politiinit killisiorneqarnissaminik itigartitsereerpoq.

Suli tigummigallagaaginnassanersoq ataasinngornermi aalajangerneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat