Norgemi uuliarluertoqarpoq

januaarip 13-at 2007 15:24

Umiarsuaq assartuut Norgep avataani 270 tonsimik uuliarlersimasoq, uuliarluernermillu saliinissaq ukiup affaata missaani sivissuseqassasoq, Norgemi sineriammik nakkutilliisoqarfik nalunaarpoq.

Umiarsuaq Cypernimiut assartuutaat ”Server” Bergenip avataani anorersuarsiorluni qitermigut ippassaq unnukkut qupimmat uulia usia anialersimavoq.

Umiarsuup inuttai 25-it tamarmik ajunngitsut nunamut pissunneqarput. Norgemi uumasut uuliarluernermit eqqugaarujussuarnissaat avatangiisinik illersuiniaqatigiiffinnit aarleqqutigineqarpoq.