Norgemi uuliarluertoqarpoq

Norgep sineriaata avataani uuliamik mingutsitsisoqarpoq. Mingutsitsineq uuliasiorfimmit Statfjord Alphamit Nordsømiittumit aallaaveqartoq, Norgemiut aviisiat Aftonbladet.no taama allaaserisaqarpoq.
Allattoq Mads Lynge
decembarip 12-at 2007 16:03

Mingutsitsineq 3.840 kilometerinik annertussuseqarpoq illoqarfiullu Bergenip avataani 200 kilometerinik avasitsigisumi pilluni, Norgep nalunaaqutaa malillugu ullup qeqqanut uulia slange atorlugu uuliasiorfimmiit umiarsuarmut uuliamik assartuummut maqinnerani, slange putusimavoq.

StatoilHydro uuliasiorfimmik ingerlatsisuusoq, mingutsitsinerup annikillisarneqarnissaanut akisussaasuuvoq. Naalagaaffiup mingutsitsinermik nakkutilliisoqarfiata timmisartui qulimiguuilu atorlugit ikiorneqarpoq.

Uuliap sarfaq malillugu ingerlaarfigisinnaasaa naatsorsorneqaleruttorpoq. Mingutsitsiffiusup eqqaani mallit meterinik arfineq marlunnik portussuseqarput, saliiniarnerlu ajornartorsiortinneqarluni. Silarlunnera uuliallu akuata oqinnera pissutigalugit uulia siaruartupilussuuvoq. Uuliasiortitsiviup StatoilHydrop akuutissat atorlugit uulia arrortinniassanerlugu eqqarsaatigigaa oqaatigineqarpoq. oqaatigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq