Norgemi tikaagullinniarneq ingerlalluarpallaanngilaq

Norgemi tikaagullinniarneq ingerlalluarpallaanngilaq.

Tikaagullinniarneq qaammatit marluk matuma siorna aallartippoq, tikaagulliillu 50-it missaannaat maannamut pisarineqareerput, siorna taamaalinerani 200-t missaat pisarineqarsimasut.

Suliniaqatigiiffiit tikaagullinniartarnermut akerliusut taamaammat oqamisaartalerput, tikaagulliit ikiliartortut. Tikaagullinnialli Norgep sineriaani silap unerisimannginnerujussua pissutaanerarpaat, aviisimulli Aftonpostenimut oqarlutik, tikaagulliit manna tikillugu ilumut ikinnerusut.

Tikaagulliit 639-t Norgemi siorna pisarineqarput, ukiup siuliani, 2004-mi, 543-t pisarineqarsimasut. Tikaagulliit 1000-t Norgemi pisassiissutigineqarnikuupput, tikaagullinniarneq 1993-imili aallarteqqinneqarmat aatsaat taama amerlatigisunik pisassinneqarlutik.

Aningaasarsiutigalugu tikaagullinniarneq, Arfanniarneq pillugu Ataatsimiititaliarsuup, IWC-p, ukiut 20-t matuma siorna inerteqqutigilermaguli, Norge kisimi tikaagullinniarsinnaatitaavoq.

Tikaagulliit 175-it tikaagulliusaallu qulit Kalaallit Nunatsinni ukiumut pisarineqarsinnaapput.