Norgemi qeqertani Lofotenip avannaanni Vesterålenimi illuaraq ikuallammat, inuit tallimat ujaarineqarput. Arkivfoto/GenrefotoAssi: Lennert Frederik

Norgemi qeqertami illuaraq ikuallammat tallimat ujaarineqarput

Inuit tallimat - taakkunannga meeqqat sisamat, illuaraq ikuallammat maqaasineqarput. Illuaraq ikuallattoq qeqertani Vesterålenimi Lofotenip avannaaniippoq.

Norgemi qeqertani Lofotenip avannaanni Vesterålenimi illuaraq ikuallammat, inuit tallimat ujaarineqarput.

Ujaarineqartuni sisamat meeraapput 16-it inorlugit ukiullit, Norgemi tusagassiorfik NRK taama allaaserisaqarpoq.

- Pisoq alianartorujussuuvoq. Inuit tallimat illuaqqamiit aninngitsoorlutik ajunaarsimanissaat aarleqqutigaarput, Lofotenimi Vesterålenimilu politiini pisortaq Per Erik Hagen taama oqarpoq.

Illuaraq ikullammat inuit arfinillit illuaqqamiipput, angut ataaseq illuaqqamit anisinnaasimavoq, sinnerilu tassa ujaarineqarlutik.

- Illuaraq arfininngornerup ullaassaani nunguilluni ikuallappoq, angut ikuallattumit annalluni, pisoq pillugu kalerriisimavoq. Taanna ajoqusersimavoq passunneqarlunilu.

Annaassiniartut arfininngornermi ullaakkut oqaatigaat, ikuallannikumi misissuisinnaanatik uunaarpallaarmat.

Qatserisartut politiillu ikuallannikumi nakkutilliipput politiit oqaaseqartittagaat taama oqarpoq, maannalu suli paasineqanngilaq ikuallanneq qanoq aallartissimanersoq.

00:01:22

Inuit arfinillit pineqartut tamarmik Vågen Kommunemi Lofotenimiittumi najugarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat