Oslop avannaani Askimi nuna sisoortoq 300 x 700 meteritut annertussuseqarpoq. Aseruatitertoqarnerani ajunaarsimasuni nassaarineqartut maannamut arfineq-marluupput.Assi: RitzauScanpix

Norgemi nunap sisoornerani ajunaarsimasuni nassaarineqartut arfineq-marluusut

Norgemi Gjerdumimi nunap sisoornerani ajunaarsimasumik sapaammi nassaartoqaqqippoq. Inuit pingasut suli ujaarineqarput.

Norgemi politiit sapaammi tusagassiortunik katersortitsinerminni tamanna uppernarsarpaat.

- Ajunaarsimasut nassaarineqartut imminnut ungasinngillat, politiit iliuuseqarnermi aqutsisuat Bjørn Christian Willersrud Norgemi aviisi VG naapertorlugu  taama oqarpoq.

Ajunaarsimasoq Norgemi nutaarsiassaqartitsivik NTB naapertorlugu angutaavoq 29-nik ukiulik.

Politiit, qatserisartut upalungaarsimasullu allat nuna pingasunngornemi sisoormalli, ulloq unnuarlu annaassiniarlutik sulipput.

Ajunaarsimasumik tallimanngornermi nassaartoqaqqaarpoq. Ajunaarsimasut allat pingasut arfininngornermi nassaarineqarput, pingasullu allat sapaammi aamma nassaarineqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat