Norgemi nunap sisoorfiusup eqqaani najugallit ilarpaalui angerlarsinnaalertut
Norgemi Oslop avannamut kangiani Gjerdrumimi nuna sapaatit akunnerata siuliani sisummat inuit qulit ajunaarput.
Tamaanilu najugallit angerlarsimaffimminut maanna utersinnaasut, norgemi oqartussat nalunaarput.
Inuit 1000-t missaat nuna sisooreermat qimagussuutsinneqarput. Tassani najugallit qassit angerlarsimaffimminnut utersinnaanersut, Norgemi oqartussat nalunaarutaanni ilisimatitsissutigineqanngilaq.
Annassimasinnaasunik ujaasisoqarmat nassaartoqanngilaq, ujaasinerlu taamaatinneqarluni. Inuit qulit nunap sisunerani ajunaarsimasut, politiit nalunaarutigaat. Taakkunannga arfineq-marluk nassaarineqarlutillu kinaassusersineqarput.
AAMMA ATUARUK Politiit annassimasinnaasunik nassaarnissartik ilimagiunnaaraat
Nunap sisuffiusup eqaaani najugallit nunap siusuffiusup eqqaa misissuiffigineqarluareermat angerlarsinnaalereertut oqartussat oqarput. Sanaartorfiusunut teknikerit ulloq unnuarlu qillerillutilllu laboratoriani misissugassanik katersipput.
Immikkut ilisimasallit nunap sisuneranut pissutaasut pillugit nalunaarusiuleruttorput, siunissamilu nunap sisusinnaara qanoq pinaveersaartineqarsinnaaneranik siunnersuuteqassallutik.
Nuna sapaatit akunnerata siuliani pingasunngornermi sisuvoq.