Norgemi naalakkersuisut isitik avannamut saatippaat

- Uuliamik isumalluutit, Ruslandimut killeqarfikkoorluni ajornannginnerusumik isersinnaaneq aamma Tromsømi Ilisimatusarfiup allilerneqarnissaa ilaatigut  pingaarnerutissavavut, nunanut allanut tunngassutilinnut ministeri, Jonas Gahr Støre oqaaseqaateqarluni taama oqarpoq.

- Nunanut allanut tunngasutigut politikkimi periusissatut iliuusissani naalakkersuisut avannaanik pingaartitaqarnerat, ukiumut missingersuutini takuneqarsinnaasoq, ministeri oqarpoq.

Avannaa eqqarsaatigalugu suliniutissanut aningaasaliissutit ukiormanna 1,5 milliardit koruuniupput. Taamaalillutik siornamut naleqqiullugit 190 millionit koruuninik amerlanerullutik.

Avannaata issittullu ineriartortinneqarnissaat eqqarsaatigalugit, Norgep nunat sanilini, iligisani suleqatinilu peqatigalugit siuttunngornissaa siunertarineqartoq, Jonas Gahr Størep oqaatigaa.

Avannaata imartaani uuliamik gassimillu isumalluutit qulaajarneqarnissaannut 2012-imi aningaasaliissutit pingajorarterummik qaffanneqaramik taamaalillutik 162 millionit koruuninngorput.