Assi: Jonas Fievé/KNR

Tele-Post: Norgemi isertortumik paasiniaasartut paasisaat Nunatsinni ernumassutissaanngillat

Norgep isertortumik paasiniaasuisa Kinamit internetikkut akornusersuisoqarsinnaaneranik mianersoqqussuteqarnerat Tele-Postip pisortaanerata ilumooruppaa.

Digitalikkut isumannaallisaanermut Kinamullu tunngatillugu kingullertigut pisut Tele-Postip pisortaanerata ilumoorulluinnarpai, Tele-Postilli nunatsinni digitalikkut isumannaallisaanermik naliliineranut sunniuteqassanersoq oqaatigissallugu suli siusippallaarnerarpaa.

Norgemiut isertortumik paasiniaasartuisa PST-meersut qarasaasiatigut attaveqaqatigiinnermut atortut Kinameersut digitalikkut isumannaallisaanermut tunngasunut apeqqusiinerat Tele-Postip pisortaanerata Kristian Reinert Davidsenip isumakulunnartoqartippaa.

- Kinami tunisassiortunut tunngatillugu ajornartorsiutaasut sivitsulersumi atuupput, taakkununngalu tunngatillugu allatut isummissanerluta nalilersortuarparput. Tele Postip pisortaanera oqarpoq.

AAMMA ATUARUK Norgemiut qaraasiakkut attaveqaataannik Kinamiut Ruslandimiullu saassussisinnaanerat aarlerisaarutigineqartoq

Norgemili aarlerinaateqarsinnaasoqarneranik  naliliineq tunngavigalugu Tele-Postip pisortaanerata Kinami tunisassiortunik atuinerminut tunngatillugu inerniliinissaq siusippallaartoq erseqqissaatigaa. 

Innuttaasullu nunatsinni digitalikkut isumannaatsuuneq pillugu ernumassutissaqanngitsut naqissuserlugu.

- Nutaanik pisiatsinnut tunngatillugu digitalikkut isumannaallisaaneq nakkutigiuarparput. Kristian Reinert Davidsen oqarpoq

AAMMA ATUARUK Politiit qarasaasiakkullu isumannaallisaaneq illersornissaq pillugu isumaqatigiissummi nukittorsarneqartut

Routerit, tassa attaveqaatit aqqutaannik aqutsissutit, nunatsinni illoqutigiinni atorneqartut, Kinami suliffeqarfissuarmit Huaweimit tunisassiaapput, aamma immap naqqatigut kabelip Nuummit Aasiannut tallineqarnera suliffeqarfissuup peqataaffigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat