Norgemi bussi sisoorussaavoq

Ajutoorneq maani nalunaaqutarput najoqqutaralugu qulingiluanngulersoq Votedalenimi, Bergenip Trondheimillu akornanniittumi, qutaarluusunik qaqqalimmi pivoq.

Nalunaarutigineqartut naapertorlugit aput sisoortoq aputitaqarpallaarsimanngikkaluarpoq, sakkortuumilli naqitsinerup bussi aqqusinermit nakkartissimagaa, Arrild Stadheim Norgimi aqqusinernut qullersaqarfimmeersoq oqarpoq.

Ilaasut bussimit aallaqqaammut anisinnaajunnaarsimagaluarput, annaassiniartunilli ikiorneqarlutik anisinnaasimallutik. Norgimi ulluni kingullerni nittaalarujussuartarneratigut, ullaarmanna ajutoorneq sioqqullugu apummik sisoortoqarsinnaanera ernummatigineqalerpoq. Ukiuni qulikkuutaartuni arlalinni kingullerni naammattoorneqarsimanngitsumik aperujussuartarnerata kingornagut, Norgip qiterpasinnerusuani apummik sisoortoqarsinnaanera aarleqqutigineqalerpoq.

Norgip kippasissuani qiterpasinnerusuanilu qimuttuitsunik angallanneq arlalinni unitsikkallarneqartarsimavoq.