Norge: Natop generalsekretærissaa sorsunermut illersuisuussanngilaq
Nunat Killiit Illersoqatigiiffianni Natomi nutaamik generalsekretærimik toqqaasoqarnissaanut atatillugu Norgep kissaatigaa generalsekretærinngortussaq 2003-mi Irakimut sorsuttoqarmat nunamit peqataatitaqanngitsumeersuussasoq, taama Norgemi illersornissamut ministerip tullersortaa Espen Barth Eide oqarpoq.
Allattoq Lotte Holm
februaarip 17-at 2009 08:44
Taama oqarnera generalsekretærissatut piukkunneqartumut statsminister Anders Fogh Rasmussenimut eqqueratarsinnaavoq, Danmarkimi taamanili sorsoqataavoq.
- Nato siuttoqassaaq pisimasunut siumungaaq isummeqqanngitsumik. 2003-mimi Irakimut sorsunnermut atatillugu aaqqiangiississuteqartoqaqaaq. Natop siuttortaava sumilluunniit sorsunnernut tunngasunik suliaqarsimasuussanngilaq, Espen Barth Eide erseqqissaavoq.
Irak 2003-mi sorsuffiulermmat iligiinnut USAmit siuttuuffigineqartunut nunat sorsoqataasut tassaaapput Tuluit Nunaat, Spania aamma Danmark. Irakimut isaalernermut Tyskland Frankrigilu taamani akerliupput.
