Eqqisseqatigiinnissamut isumannaallisaanermullu tunngasut Naalagaaffiit Peqatigiit Isumannaallisaaniaqatigiivini eqqartorneqartarput.Assi: bwats2/flickr

Norge Naalagaaffiit Peqatigiit isumannaallisaaniaqatigiivini ilaasortaalissasoq

Nunat Naalagaaffiit Peqatigiinni ilaasortat nunanik sisamik Isumannaallisaaniaqatigiinni ilaasortanngortussanik qinersipput. Norge Irlandilu qinigaasut ilagaat.

Norge Irlandilu Naalagaaffiit Peqatigiit Isumannaallisaaniaqatigiivini 2021-mi januaarip aallaqqaataaniit ukiuni tulliuttuni marlunni ataavartuunngitsumik ilaasortaasussatut qinigaapput.

Nunat Naalagaaffiit Peqatigiinni ilaasortat pingasunngornermi taasitinneqarmata taama aalajangiipput.

Nunat tallimat Naalagaaffiit Peqatigiit Isumannaallisaaniaqatigiivini ataavartumik ilaasortaapput, nunallu allat qulit ataavartuunngitsumik ilaasortaallutik. Ataavartumik ilaasortaanngitsut ukiut marlukkaarlugit taarserneqartarput.

Canada qinigaanngitsoormat Norge Irlandilu ilaasortaalerput. Norge nunanit 130-nit Irlandilu 128-nit taaguunneqarpoq, Canadalu 108-nit taaguunneqarluni. Nunat killiit tassani taasissutigineqarput.

AAMMA ATUARUK Pissaanilissuit killiit isumannaallisaaniaqatigiit Syria pillugu ataatsimiigiaqqugaat

India Mexicolu aamma ilaasortaalerput, tamatumalu saniatigut Kenya Djibouti tallimaattut ilaasortanngorumaarluni.

Arlaleriarluni taasisoqarpoq, ilaasortassarsiortoqarmammi taasinerni inernerit ersarissisinngimmassuk nuna Afrikameersoq sorleq ilaasortanngussanersoq.

Eqqisseqatigiinnissamut isumannaallisaanermullu tunngasut Naalagaaffiit Peqatigiit Isumannaallisaaniaqatigiivini eqqartorneqartarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat