Norge Katuami nalliuttorsiutigineqassaaq
Tunngaviusumik inatsit atuutilermat Norge Danmarkimit avissaarpoq, Norgelu naalagaaffinngorluni.
Norgemi inuiattut ullorsiornerup nalliuttorsiutigineqarluni nunatsinni malunnartinneqassaaq - taama oqarput Norgep Kalaallit Nunaanni generalkonsulaatia, taamatullu peqatigiffiup Norgep ikinngutai.
Norgemiut inuiattut ullorsiornerat malunnartillugu erinarsortartoq tusaamaneqarluartoq Birgitte Grimstad kulturikkut illorsuarmi Katuami erinarsussaaq aamama nunat avannarliit erinarsoqatigiivi Nordisk Koncertkor Nuummi annaassisitta oqaluffiani erinarsorlutik tusarnaartitsissapput.
Kalaallit Nunaammi ukioq 1814 tikillugu Norgemi illoqarfimmit Bergen-mit aqunneqarpoq Hans Egede Kalaallit Nunaannut 1721-imi tikinnerata kingorna.
Kalaallit Nunaata tunuata avannaa Norgemit oqartussaaffigineqarluni Norgemut ataasoq Norgemit oqaatiginiarneqaraluarpoq - kisianni nunat tamat eqqartuussivianni Haagimiittumi 1933-mi aalajangiunneqarpoq, tunup avannaa Danmarkip naalagaaffianut atasoq.
Kalaallit Nunaat nunani avannarlerni suleqatigiinnermi Norgemik suleqateqarpoq - inuussutissarsiutitigut uuliamik aatsitssanik ilinniartitaanikkut ilisimatuussutsikkullu suleqateqarnikkut.
Tassalu arfinngorpat 17 maj Norgemi inuiattut ullorsiortoqarnerani Norgemiinngikkaluarluni malunnartinneqassaaq.