Nordsømi uuliakoortoqarpoq
Nordsømi Norgep avataani uuliamik mingutsitsinersuaq timmiarpassuit inuunerannik kinguneqarnerassangatinneqarpoq. Uuliasiorfimmit aniatitsineq Bergenip kitaani ippassaq pivoq.
Allattoq Mads Lynge
Verdensnaturfonden, avatangiisinut illersuiniaqatigiiffiusup ernummatigaa uuliakoornerup 4.000 kubikmeterinik imaqartup timmissat tuusintilikkaat toqorassasut. Uuliakoorneq pivoq silarlunnerani uuliasiorfimmiit uuliamik assartuummut nuussinermi ajutoortoqarmat. Silarlunnera pissutigalugu suli iliuuseqartoqarsinnaasimanngilaq.