Nordsø kissarnerulersimavoq

novembarip 02-at 2006 11:16

Danmarkip kitaani imartaq, Nordsø, gradinik pingasunik kissarnerulersimavoq, immallu tamatuma aatsaat taama kissatsiginera uumasunut aalisakkanullu navianartorsiortitsilersinnaasoq, Norgemi Arendalimi ilisimatusarfimmiut Nordsøp kissassusaanik misissuisimasut naliliipput.

Nordsømi immap qaava meteri angullugu itissusilik oktobarimi agguaqatigiissillugu 14,2-nik kiassuseqarsimavoq. Ukiuni 1920-imiit 2006-imut Nordsø 11,5 gradinik kissassuseqakkajuttarsimavoq.

Nordsøp aatsaat taama kissatsiginera aalisagaqassutsimut eqquinerlorujussuarsinnaavoq, uppernarsineqarsimavorlumi saarulliit, ammassassuit tupissutillu Nordsømi amerliartorpiarunnaarsimasut.

Misissuinerni paasineqarpoq, Nordsømi aalisakkat 20 procentimik suffinikinnerusalersimasut. Aalisapiluttarnerit mingutsitsinerlu Nordsøp kissariarujussuarsimaneranut pissutaasorineqarput.

Immap kissarluartup naasuisa uumassuseqassutsimik allanngortitserujussuarsinnaasut naajoralernissaat navianartorsiortitsilernissaallu ilisimatuut assut ernumanartoqartippaat.