Nordkorea-p qaammataasaaneragaa nunat killiit raketsiunerarpaat
Raketsimik ungasissorsuarmut igeriuttakkamik Korea Avannarlermiit ippassaq aallartitsisoqarnera pissutigalugu Naalagaaffiit Peqatigiit isumannaallisaaniaqatigiivi tuaviortumik ippassaq unnukkut kingusissukkut ataatsimiipput. Danmarkip Radioata nittartagaani tamanna allaaserineqarpoq.
Allattoq Lotte Holm
USA-p Naalagaaffiit Peqatigiinni aallartitaa, Susan Rice, ataatsimiinneq aallartinngilaartoq oqarpoq, isumannaallisaaniaqatigiit ataatsimoorlutik Korea Avannarleq pillugu iliuusissani suleqatigiittariaqartut.
Korea Avannarliup raketsimik aallartitsinera USA-p, Japanip EU-llu assuaraat, tassaanerarlugu "ajorsitsaaraluni iliuuseqarneq", Korea Avannarlermiilli oqarput, qaammataasamik attaveqaqatigiissaarisussamik, nunarsuarmillu kaaviiaarisussamik, taamaallaat nassitsisimallutik.