Nordisk Rådip issittumi avatangiisit illersorniarpai
Aningaasaliissutigineqartut silap pissusaata allanngornera pillugu ilisimatuussutsikkut misissuisoqarnissamut atorneqasssut, Ritzauimi allaaserineqarpoq.
Nunat avannarliit siunnersuisoqatigiiffiata avatangiisinut pinngortitamullu ataatsimiititaliaa Svalbardimiinneranni tamanna nalunaarutigineqarpoq. Ataatsimiititaliaq Svalbardimiiinermini ilisimatuussutsikkut misissuiviit ilisimatuussutsikkullu suliat nutaat takuniarpaat.
Kiannerulerpat avatangiisip mianernartup eqqugaanissaa politikerinit ernumassutigineqarpoq, kiannerulerpat umiarsuit takornarianik angallassisartut amerlasuut angalasalernisasat aamma ernumassutigineqarpoq, taamatulllu avannarpasinnerusuni uuliamik gassimillu ujaasinerit annertusinissaat politikerinit ernumassutigineqarluni.
- Mexicop kangerliumanersuani uuliasiorfiup ajutoorneratigut immami avatangiisit qanoq mianernartiginerat paasereerparput, uagut imartatsinni taamatut assingusumik pisoqanngisaannarnissaa qulakkeertariaqarparput, Nunat avannarliit siunnersuisoqatigiiffiata Nordisk Rådip Avatangiisinut Pinngortitamullu ataatsimiititaliaani siulittaasoq Kristine Johansson oqarpoq.
