Nordic Orion Finlandimut apuussimalerpoq

Umiarsuaq uuliamik usisartoq SS Manhattan, umiarsuarni assartuisartuni siullersaalluni 1969-imi Sullualukkoormalli, umiarsuarni angisuuni Nordic Orion aatsaat taamanikkulli siullersaalluni Sullualukkoortuuvoq.
Issittorli aqqutigalugu umiarsuit atorlugit niuffanneq imaaliallaannarluni piviusunngorsinnaanngitsoq, A.P. Møller-Mærskip pisortaanera Nils Andersen oqarpoq:

- Umiarsuit ataasiakkaat Issittoq aqqutigalugu ingerlaartut takusarumaarpavut, umiarsuilli containerit atorlugit assartuisartut Sullualukkut ataavartumik ingerlaartalersinnaanissaat siusinnerpaamik ukiut qulit 20-lluunniit qaangiuppata aatsaat piviusunngorsinnaassaaq, Mærskip pisortaanera Financial Timesimut ilaatigut oqarpoq.

Nordic Bulk Carriers of Denmark, Nordic Orionimik piginnittuupput, umiarsuarlu taanna aamarsuarnik 15.000-it tonsinik usilluni Vancouverimit Sullualuk aqqutigalugu Finlandiliarmat, tusagassiuutitigut sammineqangaatsiarpoq. Umiarsuaq Vancouverimit septembarip ulluisa arfernanni aallarpoq, oktobarillu ulluisa arfineq-aappaanni Pori, Finlandimut tikilluni.

Nordic Orion, Canadamiut umiarsuaataannik alapernaarsuummit ingiorneqarluni / ingiallorneqarluni Sullualukkoorpoq.