Nordatlantisk Venture piginneqataassutinik tuniniaavoq

Tallimanngormat aningaasanik piginneqataassutinik tuniniaanerup matunerata kingorna, Sermitsiaq nittartakkamini taama allappoq.

Piginneqataalersut nutaat 146-t, piginneqataassutinik 16 million koruunit nalinginik pisisimapput.

Suliffeqarfiup piginneqatigiissutinik tuniniaanermini inuinnaat pisisinnaanissaat salliutissimavaa. Taamaattorli Sulinermik Inuussutissarsiuteqartut Soraarnerussutisiaqalernissamut Aningaasaateqarfiat piginneqataassutit nalingisa 20 procentiannik piginneqataalersoq immikkut isiginiarneqarpoq.

Nordatlantisk Venturep pingaartippaa piginneqataassutinik piginneqataallualersoq Kalaallit Nunaanni sulinermik inuussutissarsiuteqartut amerlasuut sinnerlugit piginneqataalermat.

- Piginneqataassutit agguataarnerini piginneqataassutinik amerlavallaanngitsunik pisisoq qulakkeerniarsimavarput, piginneqataassutillu amerlinerat naammagisimaarparput, Sermitsiami allaaserisaq naapertorlugu pisortaq, Sven Lyse tusagassiuutinut nalunaarummini taama allappoq.

Nordatlantisk Venture A/S, Dansk OTC A/S allallu aningaasaleeqataasoralugit pilersinneqarpoq, Kalaallit Nunaanni piginneqatigiiffiit aningaasarsiornikkut pilersitsinissaannut aallaaviusussatut.