Nobelip eqqissinermut nersornaasiuttagaa tunniunneqartussanngorpoq

Amerikami præsidentimut tullersortaasimasoq, avatangiisinullu illersuisoq, Al Gore, taavalu silasiorneq pillugu Naalagaaffiit Peqatigiinni ilisimatuut Eqqissinermut Nobelip nersornaasiuttagaanik tunineqassapput, Nobelip Nersornaataanik tunniussisarnermut Norgemi ataatsimiititaliap nalunaaquttap akunnerata ataatsip missaata matuma siorna tamanna nalunaarutigaa.
oktobarip 12-at 2007 06:30

Al Gore silasiornermillu Naalagaaffiit Peqatigiinni ilisimatuut sakkortuumik mianersoqqussutigiuarpaat silap kissatsikkiartupiloornera inunnit pinngortoq. Taakku mianersoqqussutaat pissutigalugu nunarsuatsinni silap kissakkiartupiloornera nunarsuarmi naalakkersuisut sapinngisamik annikillisaqqujualerpaat.

Al Gore nammineerluni sila pillugu illersuilluni piviusulersaarummik, akissarsisitaasumillu, filmiliorpoq, atilimmik ”Den ubekvemme sandhed”.

Sila pillugu Naalagaaffiit Peqatigiinni paasisimasallit nersornaatisisussat aapparaat, taakkulu tassaapput paasisimasallit ilisimatuullu 300-t missaanniittut, nunanit assigiinngitsunit 130-t missaanneersuneersut, silap kissatsikkiartornera tamatumalu kingunerisai taakku paasisimasaqarfigilluarpaat.

Inuit Issittormiut Siunnersuisoqatigiiffiata siulittaasua, Aqqaluk Lynge aperaarput Sheila Watt-Cloutier nersornaasigaanngikkaluartoq nersornaasigaasut qanoq isumaqarfiginerai, akivorlu soorunami pilluaqqusariaqarivut, taakkumi silap pissusaata allanngoriartornera pillugu oqaaqqissaariuartuummata nersornaatisisussanngornerat aamma nuannaarutigisariaqaripput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq