Nunanit allanit

Nobelip eqqissinermut nersornaasiuttagaa tunniunneqartoq

Nobelip eqqissinermut nersornaasiuttagaa, Tunisiami suliniaqatigiiffinnut sisamanut, NAtional Dialogue Quartetimut, ukioq manna tunniunneqassaaq.
Assi © : Nobel
Allattoq Karsten Sommer
oktobarip 09-at 2015 07:59
Nutserisoq Mads Lynge

Nobelip komitéa akunnerup ataatsip matuma siornatigut tamanna nalunaarutigaa.

Nunat arabiamioqarfiusut assigiinngitsut 2011-mi pikitsiffiummata suliniaqatigiiffiit sisamat taakku qitiulluinnarput.

Tysklandip kansleria Angela Merkel, Colombiap præsidentia Juan Manuel Calderòn, Colombiami pikitsitsisut FARC peqatigalugit, Paavi Fransilu, Nobelip eqqissinermut nersornaasiuttagaanik tunineqarnissaat aamma ilimagineqarnikuugaluarpoq.

Niviarsiaraq Pakistanimiu Malala Youzafzai Nobelip eqqissinermut nersornaasiuttagaanik siorna tunineqarpoq. Barack Obama, Naalagaaffiit Peqatigiit qullersarisimasaat Kofi Annan, Nelson Mandela, Sovjetunioniusimasullu siuttorisimasaa Mikhail Gorbatjov, Nobelip eqqissinermut nersornaasiuttagaanik siornatigut aamma tunineqarnikuupput.

Nunallu arabioqarfiusut 2011-mi pikitsitsiffiuneranni suliniuteqartut maanna tassa nersornaaserneqartussanngorput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq