NNN 2008 aqagu inatsisartunut akerliussutsimik takutitsinissamik kajumissaarivoq

Peqatigiiffik NNN 2008, tassa Nunarsuaq Nunarsuutillu Napparsimasoqartuassaaq 2008, Inatsisartut aqagu ataatsimiinneranni oqaluuserisassaraluannut atatillugu, akerliussutsimik takutitsinissamik kajumissaaripput.
novembarip 11-at 2008 18:34

Inatsisartut aqagu oqaluuserisaasa ilagigaluarpaat Danmarkimi peqqissartut napparsimasullu ilaqutaasa ingiallorteqartarnissaannik siunnersuutip aappassaanneerneqarluni oqaluuserineqarnissaa. Meeqqat napparsimasut 15-leereersimanngitsut kisimik illoqarfimmut allamut napparsimaviliaanneqarneranni angajoqqaajusut ingiallortaasarput, tamannalu isornartorsiorneqangaatsiarpoq, siunnersuummilu tamanna allanngortinniarneqaraluarpoq, meeqqat 15-ileereersimasut aamma ingiallorteqarsinnaanngortinniarlugit. Siorna decemarip qaammataani radioaviisimiit oqaluttuaraarput, meeqqat napparsimasut 15-leereersimagaangata nunanullu allanut katsorsariartussagaangata angajoqqaat ingiallortaanissaannut akiliunneqartannginnerat nunani tamalaani aalajangersakkanut naleqqutinngitsoq. Upernaaq Maajip qaammataani inatsisartut ataatsimiinnnerminni ilaqutaasut ingiallortaasarnissaannut ukiut killigitinneqartut allanngortinneqarnissaannut inatsisartut tamarmiusut siunnersuummut tapersiuteqarput.

NNN-ip aaqqissugaanik akerliussutsimik takutitsinissaq nal. Ataatsimut inatsisartut ataatsimiittarfiata silataani pinissaa suli pilersaarutaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq