Nivissat nukappissallu U18-imeersut ullumi broncinnapput
Timersornerup silarsuaanit nuannaajallannartumik naggasiuteqassaagut – tassa Kalaallit Nunaat ullumi medaljannattoq oqaluttuarisinnaagatsigu.
Amerika tamakkerlugu pissartanngorniuttoqarpoq, tassani nivissat nukappissallu tamarmik bronzinnallutik.
Kalaallit inuusuttuaqqat assammik arsarlutik nunanut allanut unammisartui nivissat Brasiliami Uruguay-imut ullo’qeqqata siorna unammipput, immikkoortumilu siullermi kalaallit 15-14-imik siuaqqapput, immikkoortut aappaat aamma pissanganarluinnnartumik ingerlanneqarpoq, tassani nivissat 26-eraarlutik ajugaapput Uruguayermiut 25-eraartut.
Nukappissat Mexico-mut ungasinngitsukkut aamma unammipput, tassani kalaallit aamma 28-eraarlutik ajugaapput, Mexicomiut 19-eraartut.
Taamaalillutillu nivissat nukappissallu tummarfinnut ajugaasut qaqiffigisartagaannut tulluusimaaqalutik qaqillutik tulluusimaarutigisinnaasatsinnik angusaqarput.
