Nivissat Brasiliami semifinalilersut

septembarip 08-at 2005 15:27

Kalaallit inuusuttuaqqat Amerikap nunavittaani assammik arsarluni pissartanngorniunnernut Amerika kujallermi Brasiliami ingerlanneqartunut peqataasut niviartaat assut ingerlalluarpalupput, semifinalimut ullumi anngupput, Chilimut 27-16-imik ajuukkautik, Holdlederiat Kista Isaksen ima unnersiorpoq:

Amerikap nunavittaani assammik arsarlutik unammiartunut holdlederiusoq Kista Isaksen Brasiliamiit taama tusallatsiarparput.

Taqqavungarsuaq telefooni aqqulluppallaaqimmat oqaluttuarnerata malillugu tusarliissaagut.

Tassa Kista Isaksen-ip oqaatigaa nivissat unammisartuisa Chilimiunut ullumi unamminerat assut pissanganarsimasoq, nivissallu unamminialeramik assut ajugaarusullutillu pissangasimasut.

Chilimiunut unammineq aallartimmat kalaallit aallartinniarnerat arriissimavoq, pissanganeq pissutaanerulluni taamaattorli tassa 27-16-imik ajugaapput.

Aqagu semifinalimi nipissavaat Argentinamiut imaluunniit Uruguayimiut. Nivissat unammisartut assut massakkut pitsanngoriaateqarlutillu nukittusut Kista Isaksen oqarpoq.

Niviarsissat pingajussaannik amrikkap nunavittaamiut unammersuarnerannut peqataapput taamaattumillu misilittagaqarluarnertik ilikkagaqarluartarnitillu massakkut unamminerni iluaqutigeqigaat, Kista Isaksen oqarpoq.

Amerikap nunavittaanut unammiqataasuni massakkumut Geerdaaraq Ingemann S-68-imeersoq målernerpaasimavoq.

Kista Isaksen oqarpoq kalaallit inuusuttuaqqat Brasiliami illoqarfissuup Sao Paulop kujataani unaammisut utilerunik takornarialaarnissaminnut periarfissaqarumaartut tamarmillu massakkut ajunngitsut.

Nivissat assammik arsartartut aqagu ullaap tungaani 10:00 semifinalernerat aallartissaaq.