Niviarsiaraq ullut 15-it matoorussaaqqasimasoq annaanneqarpoq
Niviarsiaraq 16-inik ukiulik Haitip illoqarfiisa pingaarnersaanni, Port-au-Princemi, qarmakunit ippassaq unnukkut kingusissukkut anaanneqarpoq. Annaassiniartartut ilimagaat inuusuttuaraq ulluni 15-ini qarmakut ataaniissimasoq.
Inuusuttuaraq taanna panertooqqasorujussuusimavoq nissumigullu ajoqusersimalluni.
- Naluara qanoq ililluni taama sivisutigisumik uumasinnaasimanersoq, tupinnaqaaq, annaassiniartartoq J.P. Malaganne nutaarsiassaqartitsivimmut Reutersimut oqarpoq.
16-inik ukiulik qarmakut akornanni putumininnguamiissimavoq nammineq anillassinnaasimanani. Annaanneqarfimmini passunneqarpoq, kingornali Port-au-Princemili franskit napparsimmaviannukaanneqarluni.