Niviarsiaraq ukiukitsoq Qinngorpumi imaanit annaanneqartoq

Niviarsiaqqamik imaaniittoqartoq takunnittup politiinut nalunaaqutaq ullaaq qulingiluat qaangilaaraa siarngutigaa.
Politiit oqarnerat naapertorlugu niviarsiaraq napparsimmaviliaanneqarpoq - ajoqusingaatsiarsimanngilarli. Assi © : Jonas Løvschall-Wedel
Allattoq Christine Hyldal
maajip 03-at 2021 10:34

Niviarsiaraq ukiukitsoq Nuummi Qinngorpumi imaanit ullaap-tungaani annaanneqarpoq.

Politiit ullaaq qulingiluat qaangilaaraa nalunaarfigineqarput. Niviarsiaq Unaap eqqaani imaanut nakkarsimavoq, imaaniittorlu takuneqarluni.

- Angallammik Targamik sanioqquttoqarnerani takunnittup Targa pissarsiaraa. Targalu niviarsiaraq qanilleriarlugu imaanit qaqippaa, Kalaallit Nunaanni Politiit pigaartuat, Nûnu Larsen oqarpoq.

Taassuma niviarsiaraq qasserpiarnik ukioqarnersoq paasissutissiissutigerusunngilaa.

Niviarsiaraq Qinngorpumi orsiviiup talittarfianukaanneqarpoq, tassanngaanniillu ambulancenit aggersarneqarsimasunit Dronning Ingriup Napparsimmavissualiaanneqarluni.

Politiit oqarnerat naapertorlugu niviarsiaraq ajoqusingaatsiarsimanngilaq. Tassuma ilaqutai kalerrinneqarput.

- Niviarsiaraq nakkarsimanersoq allamilluunniit pisoqarsimanersoq maanna misissussavarput, Nûno Larsen oqarpoq.