Niviarsiaraq pinngitsaaleriarlugu ilaqutai toquppaat
Sakkutuup amerikamiup, James Barkerip, Irakimi sakkutuujulluarnissaq ilisimasaqarfiginnginnguatsiarpaa.
Sakkutuut allat pingasut peqatigalugit niviarsiaraq 14-inik ukiulik pinngitsaaliillutik arneriffigisimavaat, kinguninngualu ikuallagussimallugu, ilaqutaalu toqussimallugit.
Ajortulioreernermi kingorna sakkutooqarfimmut utersimapput, tassanilu neriinnarsimallutik.
Toqumik pillagaannginnissani anguniarlugu James Barker ippassaq taama nassueruteqarpoq.
Sakkutuut naalagaat Steven Green ajortuliornerup kingorna sakkutuutut soraarsitaavoq, tarnikkut nappaateqartut nalilerneqarluni.
Taannattaaq eqqartuunneqarnissani utaqqiinnarpaa, toqumillu pillagaasinnaalluni.