Niviarsiaraq kalaaleq peruluttoq timmisartumik Challengerimik Islandimiit Danmarkimut

Niviarsiaraq kalaaleq peruluttorujussuaq Islandimut akunnissimasoq, Sakkutuut Timmisartuutaata Challengerimik ilisarnaatillip sapaatip akunnerata siuliani aavaa.

Savalimmiuni Sakkutooqarfik nittartakkamini taama allappoq.

Savalimmiuni Sakkutooqarfik Københavnimi napparsimmavissuarmi, Rigshospitalimi, nakorsat ilaannit, pingasunngormat ualikkut attaveqarfigineqarpoq. Niviarsiaraq kalaaleq 14-inik ukiulik tingummigut tassanngaannaq ajoquteqalerluni aallaruttariaqalersimasoq, Islandimi Keflavikimiit Danmarkimut ingerlariaqqissinnaajunnaarsimavoq.

Aalborgimi Sakkutooqarfiup Timmisartoqarfia, aamma Sakkutooqarfimmi pigaartoq, suleqatigalugit, timmisartumik Challengerimik piareersaanissaq isumaqatigiissutigineqarpoq.

Rigshospitalip saaffiginninneraniit nalunaaquttap akunneri sisamat qaangiuttullu timmisartoq qangattarsinnaanngorpoq, atortussat pisariaqartinneqartut, atorfissaqartinneqaleriataarsinnaasullu, peqqinnissaqarfimmilu sulisut nassarlugit.

Timmisartoq Københavnimut unnuakkut marlunut qiteqquttoq nunnimmat, niviarsiaraq Rigshospitaliliaatissallugu ambulance piareersimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat