Niviarsiaraq eqalussuarmit saassutsittoq annappoq
14-inik ukiulik Lydia Ward New Zealandimi nersorneqartorujussuuvoq, tassami imaani pinnguaatini sisoraataasannguaq atorlugu sisooqattaaruttorluni eqalussuarmit saassutsippoq.
Niviarsiaraq New Zealandimi illoqarfiup sinerissap qanittuaniittup Invercargillip imartaani pinnguartillugu eqalussuup siffiaasigut kiivaa. Eqqissivilluni tatitoqalunilu surferutini tigoriarlugu eqalussuaq niaquagut anaartalerpaa, taamaalimmallu eqalussuup kiisinini iperarpaa.
- Uisakajaanngimmat tupigusoqaanga. Uanga nilliarujussuassagaluarpunga. Kisianni naamerluinnaq. Nilliasoqanngilaq. Annikitsumik tupaqqalaarpasiinnarpoq, niviarsiaqqap arnaa, Fiona Ward, aviisimit Southland Timesimit taama issuarneqarpoq.
Nutaarsiassaqartitsivimmi Ritzauimi allassimasoq naapertorlugu eqalussuaq meterip aappaata affaatut angissuseqassangatinneqarpoq.