Niviarsiaraq aqqaneq-marlunnik ukiulik pinngitsaalineqartoq
Angut 34-nik ukiulik Qaanaami ukiukitsumut pinngitsaaliisimasutut pasillugu sapaatip-akunnerini sisamani tigummigallagassanngortinneqarpoq.
Allattoq Najaaraq Egede
Niviarsiaqqamik atornerluisoqarsimaneraaneq pillugu politiinut tallimanngormat unnukkut saaffiginnittoqarpoq.
Politiit angut 34-nik ukiulik kinguninngua tigusaraat, eqqartuussisumullu arfininngornermi ualikkut sassartinneqarmat, suliap misissorneqarnerani sapaatip-akunnerini sisamani tigummigallarneqartussanngortinneqarpoq.
Pinngitsaaliineq pisimassangatinneqarpoq illumi angutip 34-inik ukiullip inisimaffigisaani niviarsiaraq pulaartillugu. Qaanaami politiit sinnerlugit John Hansen taama nalunaarpoq.