Niviarsiaraq 14-nik ukiulik annattutuaavoq

Timmisartorsuup Indiap imartaanut ippassaq nakkartup ilaasuisa ilaat, niviarsiaraq 14-inik ukiulik annappoq. Taanna maanna Qeqertani Comorerni napparsimmavimmut unitsinneqarpoq.
Allattoq Elisa Isaksen
juulip 01-at 2009 08:18

Qeqertani Comorerni Røde Korsip oqaaseqartitaata oqaatigaa niviarsiaqqap inuunera ulorianartorsiunngitsoq. Niviarsiaraq annanniuteqarallartilluni annassimavoq.

Røde Korsimit oqaatigineqarpoq, niviarsiaraq timmisartumit nakkartumit annattutuaasoq. Qeqertani oqartussat oqaatigigaluarpaat nukappiaraq tallimanik ukiulik immami nassaarineqartoq, tamannali paatsoornerusoq oqaatigineqarpoq. Timmisartuutileqatigiit Yemeniap timmisartorsua Airbus qeqertat Commorerne-t eqqaanni silarluttorsuugaa ippassaq nakkarpoq. Timmisartorsuarmi issimasut 153-iupput amerlanersaat Yemenimeersuullutillu, Comorerne-meersuullutillu Frankrigimeersuupput.

Timmisartup uuttuuttaa qallunaatut bokse qernertumik taaguuteqartinneqartoq, ullaaq nassaarineqartoq, franskit naalakkersuisui nalunaarput. Uuttuutip nassaarineqarneratigut timmisartup nakkarneranut patsisaasoq paasineqarsinnaanissaa naatsorsuutigineqalerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq