Niviarsiaraq 14-inik ukiulik, Sarfannguit eqqaanni illuaqqami ippassaq qaartoortoqarnerani uutiterujussuartoq ullumi Danmarkiliaanneqarpoq.

Niviarsiaraq 14-inik ukiulik Danmarkiliaanneqartoq

Sarfannguit eqqaanni illuaqqami qaartoortoqarmat niviarsiaraq 13-inik ukiulik ajunaarpoq, niviarsiararlu 14-inik ukiulik uutiterujussuarluni.

Niviarsiaraq 14-inik ukiulik, Sarfannguit eqqaanni illuaqqami ippassaq qaartoortoqarnerani uutiterujussuartoq ullumi Danmarkiliaanneqarpoq.

14-inik ukiulik ippassaq Nuummukaanneqarpoq, Danmarkimullu ullumi ingerlateqqinneqarluni.

Camilla Palmann, Kalaallit Nunaanni politiit sinnerlugit tusagassiisartoq taama ilisimatitsivoq.

Niviarsiaraq 13-inik ukiulik alianaqisumik ajutoortoqarnerani ajunaarpoq.

AAMMA ATUARUK 13-årig omkom efter eksplosion i hytte

Inersimasoq niviarsiaqqat ilagalugit illuaqqamiittoq suli tuparujussuaqqavoq, inersimasorlu politiinit suli killisiorneqarsinnaasimanngitsoq Camilla Palmannip KNR-imut oqaatigaa.

Nakorsaq toqusunik misissuisartoq, pinerluttulerinermullu tunngasuni misissuisartoq, Danmarkimeersut, ajutoortoqarnera misissuiffigiartussagaat taassuma aamma ilisimatitsissutigaa.

Taakku Sisimiunut marlunngorpat tikinnissaat naatsorsuutigineqartoq Camilla Palmannip oqaatigaa.

Illuaqqami marlunnik gassiisiveqarsimasoq politiit ilisimavaat, gassiisiveqarfimmilu qaartoortoqarsimanissaa ilimagineqarluni.

Qaartortoqarnera politiinut ippassaq ulloqeqqalersoq kalerriutigineqarpoq, qanigisaasullu, peqqinnissaqarfimmeersullu politiillu illuaqqamut akunneq qaangiummat apuullutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat