Video: Niviarsiaqqap15-nik ukiullip nunarsuarmi aqutsisut naveerpai

Nunat assigiinngitsut naalakkersuinikkut siuttui, silap pissusia pillugu Polenimi Katowicemi ataatsimeersuarneranni 15-inik ukiulimmit Greta Thunbergimit, Sverigemeersumit, naveerneqarput.

Silap pissusiata allanngoriartornerata akiorniarneqarnissaanut atatillugu iliuuseqanngippallaarnerarlugit Greta Thunbergip nunat tamalaat siuttui naveerpai.

Greta Thunberg oqalugiarami meeqqat siunissaat ilaatigut assersuutigai:

AAMMA ATUARUK Sila pillugu ajornartorsiutivut aqagu nalaassinnaavasi

- Immaqa taava aperissapput: Sooruna taamanikkut iliuuseqarsimanngitsusi? Piffissaagallartillugu sooruna iliuuseqarsimanngitsusi, Greta Thunberg aperivoq.

Allannguisoqarnissaa innuttaasut piumasarigaat, taassuma ilanngullugu oqaatigaa:

AAMMA ATUARUK Ilisimatooq: Silap pissusia pillugu ataatsimeersuarnermi angusat pakatsinarput

- Utoqqatsissutissaaruppusi, piffissaasualerpugullu. Allannguerusuppugut, allannguisoqalerporlu, aamma qanorluunniit piumatiginngikkaluarussiulluunniit, Greta Thunberg oqarpoq.

Silap pissusiata allanngoriartornerata akiorniarneqarnissaanut iliuusissat nunat tamalaat COP24-mik taallugu Katowicemi ataatsimeersuartoqarnerani isumaqatigiissutigineqarpoq.

AAMMA ATUARUK Ataatsimeersuarneq politikkikkut iluatsinneqaraluartoq naammaqqajanngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat