NANORTALIK Niviarsiaqqap toqunerani pinerluttoqarsimanngitsoq
Niviarsiaqqap inuusuttup timaa Nanortalimmi umiarsualivimmi arfininngormat nassaarineqarpoq. Politiit tamatumunnga atatillugu toquffiata nalaani piffissamilu toquffigigunagaani takunnissimasinnaasut oqaloqatiginiarsimavaat.
Takunnissimasussarsiornerup nalaani toqusoqarneranik paasiniaasartut politiillu misissuipput tassanilu niviarsiaqqap inuusuttup sapaatip akunnerata naanerani toqunera pinerluffiusimanngitsoq paasineqarpoq.
- Taamaammat politiit toqusoqarnera alianartumik pisimasutut isigaat. Toqusumut ilaqutaasut politiit misissuinerata inerneranik nalunaaruteqarfigereerput, Kujataani politiit tusagassiutinut allapput.