Niviarsiaqqap angajoqqaavi naapippai
Niviarsiaraq qulinik ukiulik inaluaaralunnerminik januaarimi toqquteqarpoq, tamannalu Narsami napparsimmaviup paasisimanagu. Peqqissutsimut naalakkersuisup Agathe Fontainip nammineerluni niviarsiaqqap angajoqqaavinut misiginneqataanini marlunngormat unnukkut nalunaarutigaa.
februaarip 11-at 2010 04:06
- Misiginneqataavunga, pisumullu misiginneqataanera oqaatigalugu, Agathe Fontain sermitsiaq.ag-mut oqarpoq.
Toqusoqarnera Narsami kamaatigineqarpoq, napparsimmavimmullu akerliussutsimik takutitsisoqarluni. Peqqissutsimut naalakkersuisup oqaatigereerpaa alianartumik toqusoqarsimanerata ingerlasimanera misissorumallugu. Tamannalu aamma niviarsiaqqap angajoqqaavinut nassuiarlugu.
Agathe Fontainip peqqinnissamik iluarsartuusseqqinnissaq pisussaq pillugu Narsap katersortarfiani innuttaasunik ataatsimiititsinermini niviarsiaqqap angajoqqaavi naapippai. Tamatumani aamma erseqqissarpaa Narsap nakorsani napparsimmavimmi pigiinnassagaa, aammattaaq iluarsartuusseqqinnerup piviusunngornerata kingornatigut.
