Niviaq unammersuaqataanissamut piareerpoq

Sisoraatinik ujakkaartartoq Niviaq C. Berthelsen, Tromsømi ujakkaarluni unammiuaarnerni sapaatip akunnerata naanerani pisuni normu 3-nngortoq, Estlandimi nunarsuaq tamakkerlugu pissartanngorniunnernut peqataasussanngorpoq.

Allattoq Louise M. Kleemann

januaarip 17-at 2012 14:22

Eslandimi nunarsuaq tamakkerlugu pissartanngorniunnernut atatillugu unammiuaarfissaq Niviaq C. Berthelsenimut takornartaanngilaq, tassamiSiorna U/23-it nunarsuaq tamakkerlugu pissartanngorniunneranni misilittagaqarfigereeramiuk.

Niviaq C. Berthelsen arnani inersimasuni arfininngorpat 10 km-imut ujakkaarnermi peqataassaaq, aqagukkullu sapaammi naatsumut sukkanniunnermi peqataassalluni.

- Nunarsuaq tamakkerlugu pissartanngorniunnerit naammassippata Niviaq C. Berthelsen aamma Karl-Peter Kristensen Norgemi nuna tanakkerlugu pissartanngorniunnerni ,Vossimi pisussani , peqataassapput, tassanilu unamminermi U-23-mut Tyrkiami februaarip 21-aniit 25-anut pisussanmt anngunniuteqataassallutik, Lauritz Heilmann, Timersoqatigiiffiit Kattuffianni allaffimmik aqutsisoq taama oqarpoq.

Niviaq unammersuaqataanissamut piareerpoq

Aamma atuaruk